蒙通聯獅吼大演入球騷
另一支澳職代表布里斯班獅吼會喺E組主場出戰泰國班霸蒙通聯；獅吼喺外圍賽踢走有泰維斯坐陣嘅中超勁旅FC上海，實力不容忽視。泰超球隊以往出戰亞冠盃分組賽經常抱住「有前冇後、打死罷就」心態，蒙通聯陣中有「泰國球王」鄧達領軍，有本錢同主隊合演入球騷，建議捧2.5/3球嘅大盤。（Now 671及Fox Sports Play周二晚6時直播）
鄧達升呢有力數胡
上季澳職常規賽第3名布里斯班獅吼，今屆需要透過外圍賽先至進入亞冠盃分組賽階段，佢哋兩場外圍賽分別以6比0大勝環球體育會及以2比0擊敗FC上海，盡顯強大火力。蒙通聯曾經4度榮登泰超盟主，最近一次出戰亞冠盃分組賽已經係2013年，當屆蒙通聯喺分組賽1和5負包尾出局，當中3仗作客全敗，加埋失咗10球，不過陣中最有卡士嘅前鋒鄧達經過喺西甲一年時間浸淫，無論射術、經驗都已提升到另一層次，對蒙通聯前線爭取入球大有幫助。何況泰超球隊踢法主攻，武里南聯對上兩屆代表泰國出戰亞冠分組賽，12場比賽一共有9場總入球都喺3球或以上，今場捧2.5/3球嘅大盤最好路。
页:
[1]