兩軍最強後衞齊停賽賀芬咸大盤易達標

猪拉多纳 · 发表于 2017-2-18 14:12

今晚德甲黑柴揀咗賀芬咸主場對達斯泰特，主隊排第5客軍包緊尾，睇落強弱懸殊，不過賀芬咸自升上德甲後3遇達斯泰特未贏過，加上客軍剛戰爆大冷贏多蒙特氣勢如虹，主W太熱唔值博。今場兩軍各自嘅最強後衞都要停賽，防線削弱唔少，加上雙方形勢上都以全取3分為目標，擺明係對攻格局，1.6倍嘅中位數2.5球大盤係最穩陣首選。

（NOW FSP周六晚10時30分直播）
辛度華拿停滿復出倒戈

賀芬咸上輪作客禾夫斯堡，喺領先兼全場形勢佔優下畀對手反勝，條氣頂到上心口，少帥拿高斯文話球隊整體表現雖然唔錯，但入波前表現遠比入波後好，如果眾將有決心，絕對有權攞到第2個入球判對手死刑，不過年輕球員經過此役會得到教訓。對於賀芬咸最利好消息，係首席射手辛度華拿經過兩輪停賽後強勢復出，既餓波又倒戈對舊主，一定會畀多兩錢肉緊。加上中場迪米亞巴爾愈戰愈勇，上仗除策動大部分攻勢外，亦試過罰球射中楣，今晚佢哋決心主攻，希望贏番場向主場球迷交代。賀芬咸今晚唯一問題係開季後防表現最出色嘅班捷文胡比拿停賽，令佢哋近期唔太穩陣嘅防線雪上加霜，但有主場之利有信心可以入得比對手更多。
達斯泰特3新兵級數高

至於包尾嘅達斯泰特，歇冬期搵嚟雲達不來梅名宿芬寧斯執教，佢上任後即刻簽入幾名甚有級數嘅失意軍人，包括由加拉塔沙雷引入34歲嘅咸美艾天托普、由史浩克04借用技術出色嘅悉尼森姆、同喺萊比錫被投閒置散嘅美國國腳中鋒泰倫斯保迪。經過半個月熱身後，佢哋上輪主場對多蒙特終於爆發，獲前美國總統奧巴馬關注嘅泰倫斯保迪仲為球隊先開紀錄，協助球隊爆冷成功。贏波後芬寧斯堅信護級仍有希望，但未來賽事就不得不以3分為目標，所以作客都要搶攻。更何況佢哋亦有最強中堅艾達蘇路停賽，面對賀芬咸嘅猛攻想唔失波都難，大家等睇入球騷啦！

		自动登录	找回密码
密码			会员注册

[足球] 兩軍最強後衞齊停賽賀芬咸大盤易達標

盘口精英奖

最旺人气奖

终生成就奖

[足球] 兩軍最強後衞齊停賽 賀芬咸大盤易達標

盘口精英奖

最旺人气奖

终生成就奖

[足球] 兩軍最強後衞齊停賽賀芬咸大盤易達標