皇馬上盤十拿九穩
淘汰階段例先發制人今晚深夜另一場歐聯16強首回合大戰，西甲班霸皇家馬德里主場迎戰意甲拿玻里。衞冕嘅皇馬向來採取先發制人戰術，提早奠定晉級基礎，佢哋喺過去3屆16強首回合都淨勝對手兩球或以上，包括上屆作客以2比0擊敗另一意甲兵羅馬。拿玻里喺6場分組賽僅得1仗冇失波，防線不穩難以抵擋皇馬強攻，讓球盤皇馬讓一球，細鬼推介1.89倍上盤。
（有線62及202台周四凌晨3時45分直播）
皇馬過去3屆歐聯兩度封王，實力如何相信都唔使點講。「銀河艦隊」今屆分組賽雖然僅以小組次名晉級16強，但球隊直到現時都係保住不敗身，去到淘汰賽階段後，相信球隊嘅表現會更為出色。事實上，皇馬上屆由16強至4強階段，3仗主場比賽錄得全勝兼不失球嘅強勁佳績，包括16強贏羅馬2比0、8強大勝德甲禾夫斯堡3比0，以及4強贏英超曼城1比0。「銀河艦隊」3年前捧盃亦一帆風順，其中16強兩回合合計，更曾以9比2大炒德甲嘅史浩克04，可見「銀河艦隊」去到淘汰賽階段，等閒之輩完全唔係手腳，今仗有足夠火力輕取拿玻里。
拿玻里防線唔多掂
拿玻里話就話係意甲前列分子，但意甲近年水準遠不及西甲係人都知，上屆兩支意甲兵祖雲達斯及羅馬踢歐聯都喺16強出局，可見意甲球隊對住歐洲其他豪門有啲唔夠班。拿玻里之前唯一一次踢歐聯16強，已經係5年前嘅事，當時係畀車路士淘汰。況且拿玻里防線唔算穩陣，近10仗作客賽事只有1場可以冇失波，今仗遇上鋒力強橫嘅皇馬，隨時大敗一仗，皇馬讓一球都照追可也。
页:
[1]