國米全面復甦嚟踢館 祖記遇剋星捧唔過
今晚意甲上演好戲碼，祖雲達斯主場對國際米蘭！聯賽5連冠嘅祖記今季畀米蘭雙雄剋住，4場敗仗之中，有2場分別不敵國米同AC，可見佢哋遇上老對手搵唔到着數。國際米蘭自上年11月再次換帥，請得皮奧利執教之後，表現全面復甦，近7場意甲更獲全勝，今場受讓一球，識揀一定揀國際米蘭下盤。（TVB 302周一凌晨3時45分直播）國米換帥醒晒
今榜首祖雲達斯近兩季水準有下滑迹象，上季季初表現一度嚴重失準，今季雖然平穩番，但就少咗一份霸氣，包括季初輸畀當時狀態低迷嘅國米，其後不敵「青春班」AC米蘭，同以往全盛時期所向披靡嘅表現，有明顯分別。祖記今場主W只有1.47倍冇肉食，讓球盤讓一球，好大程度上因為過去成績較佳，加上有地利因素所影響。但問題係祖記必須淨勝2球或以上先至有錢贏，上盤實在唔抵玩。
國際米蘭過去半年時間，先後炒咗兩位主帥文仙尼同法蘭迪保亞，最新搵來皮奧利領軍。呢位51歲前拉素教練雖然名氣冇咁響，但始終熟悉意甲環境，令國米迅速復甦。皮利奧上任後，國米10場聯賽取得8勝1和1負，上仗意盃個正選陣容，收起首席射手莫路伊卡迪搞到輸畀拉素，明顯留力今場大戰搏命。
伊卡迪要射爆祖記
講開莫路伊卡迪，佢日前同阿根廷主帥巴奧薩飯聚，對方表示可能會徵召佢，因此莫路伊卡迪今仗更加要騷哥利，證明自己有能力同美斯、阿古路、希古恩等同胞競逐國家隊席位，加上國米作客3連勝氣勢一流，今場有力全身而退。
页:
[1]