曼城執靚陣 大鬥史雲斯
今晚英超頭場有曼城主場迎戰「天鵝」史雲斯，曼城經歷不穩嘅上半季後，主帥哥迪奧拿近期再推改革，復用中場耶耶托尼，又有巴西前鋒加比爾捷西斯加盟，令前線活力十足，不過後防始終唔多穩陣，對住回勇嘅史雲斯，博中位數3.5球嘅入球大穩陣。（Now 621、LeSports HK應用程式周日晚9時30分直播）重組「鑽石中前場」生晒
曼城防線老弱殘兵，門將哥迪奧巴禾蝦碌頻頻，貴價中堅史東斯又貨不對辦，「藍月亮」依家靠嘅就係一條鑽石中前場，有阿古路、奇雲迪布尼、大衞施華、利萊辛尼、史達寧等壓陣，加上巴西新星加比爾捷西斯初嚟甫到即刻有料到，火力絕對強勁。
史雲斯新帥保羅基文迪上任後，4仗聯賽錄得3勝1負，全部總入球皆至少3球，擺脫包尾位置重燃護級希望，況且「天鵝」近5次聯賽鬥Big 6球隊，全部總入球皆達4球或以上，包括早前作客贏利物浦3比2，證明該隊面對列強無懼鬥攻，預計今仗造訪曼城會合演入球騷，3.5球大盤有計。
页:
[1]