曼城阿仙奴3.5倍和味濃
聖誕快車首站唔輸得今晚英超焦點大戰一定係「藍月亮」主場迎戰「三哥」阿仙奴，雙方喺積分榜只有1分差距，實力接近。而且，曼城上仗贏波，結束兩連敗嘅劣勢，重返勝軌；阿仙奴上輪輸波，終止連續14場聯賽不敗走勢，今仗一定大踢爭氣波，搏盡搶分。兩隊均戰意十足，相信會以和為貴，3.5倍和局係明智之選。（Now 621及LeSports HK應用程式周一凌晨零時直播）
阿仙奴今季成績理想，除咗開鑼首戰主場輸畀利物浦之外，隨後就連續14場聯賽不敗，當中有10場都係贏波全取3分。不過球隊上輪聯賽作客，竟以1比2被完場前踢少1人嘅愛華頓反勝，亦係兵工廠今季英超第2場敗仗，爭霸之路唔多唔少都有啲影響，皆因未計周六晚比賽，阿仙奴已被車路士以6分優勢甩開。
曼城殘陣靠球迷打氣
輸波失分梗係難受喇，但班球員未有悶悶不樂，賽後第二日仲約埋一齊去李斯特廣場欣賞歌舞劇添！門將施治都表現得好樂觀，話已經將專注力轉移到今仗硬撼曼城嘅大戰呀！而領隊雲格就話，已經下令球員今場要當決賽咁踢，因為聖誕快車期間嘅成績，絕對係主宰球隊今季聯賽嘅爭標形勢。阿仙奴17日踢4場比賽，而今仗更係4場當中最難應付嘅一場，相信球隊一定會團結，合力大踢爭氣波。
另邊廂，主隊曼城上輪以2比0擊敗屈福特，終結束兩連敗低潮，重返勝軌。不過，壞消息就係喺完上半場前，深得領隊哥迪奧拿器重嘅中場根度簡右膝受傷出場，要抖成6個月以上呀！球隊防中人手不足，主力費蘭甸奴又坐緊波監，得番費蘭度法蘭斯高同埋耶耶托尼。好在今場喺曼城主場出擊，相信喺主場球迷嘅打氣聲之下，有望拎到1分，和局有3.5倍好分頭值得一博。
页:
[1]