墨城受讓冇甩拖
FC悉尼近5對賽未贏過澳職周五獨腳戲上演前列大戰，由榜首嘅FC悉尼主場再戰「二哥」墨爾本城。墨爾本城上周中喺澳足盃決賽以1比0擊敗FC悉尼封王，除咗打破FC悉尼今季喺各項賽事嘅不敗金身外，同時亦延續咗近5次對賽未曾輸畀對手嘅優良紀錄，今次再度碰頭，作客嘅墨爾本城有力全身而退，阿謙今仗捧受讓嘅墨爾本城讓球客勝。
（有線64及203台周五下午4時50分直播）
喺未踢澳足盃決賽之前，FC悉尼今季喺聯賽同澳足盃一直未逢敵手，走勢非常強勁，點知殺到入澳足盃決賽，FC悉尼搵唔到入波方法之餘，最終竟以0比1不敵剋星墨爾本城，失落冠軍。連同此仗在內，FC悉尼近5次對墨爾本城只錄得2和3負嘅慘淡成績，踢法似乎已經畀對手摸清晒，何況FC悉尼近3場聯賽出現兩度失分，表現似乎不復季初嘅勇態，今仗要破宿命贏番場，恐怕並非易事。
卡希爾抖夠再鍊過
墨爾本城贏得澳足盃冠軍後，上仗聯賽僅以1比1逼和布里斯班獅吼，畢竟墨爾本城嘅球員年紀偏大，當中尤以前鋒卡希爾已經37歲，雖然呢位「袋鼠拳王」技術層面的確超班，但一周雙賽對其體力負荷極大。好彩今仗距離上仗聯賽已有足足1星期，球員得到充分時間休息，今仗眾將養精蓄銳之下，加上要喺榜首戰贏波嘅決心，相信可以發揮應有水準，墨爾本城讓球客勝有1.68倍咪錯過。
页:
[1]