熱拿亞爆基玩大佢
早前皇馬教練施丹大公子安素喺西班牙盃入波，被捧到上天，但其實馬體會教練施蒙尼嘅囝囝基奧雲尼施蒙尼仲犀利，呢位21歲前鋒今季加盟意甲球隊熱拿亞，成功上位，上輪聯賽梅開二度，領軍以3比1擊敗祖雲達斯，踢出代表作。熱拿亞有「小施蒙尼」助陣，入波唔成問題，衰在防守始終太脆弱，今仗作客基爾禾，最好捧入球大。（TVB 302周二凌晨2時直播）
「小施蒙尼」當弗搶胡
「小施蒙尼」季初腳風唔多順，幸好經過適應之後，表現愈來愈好，繼上輪聯賽兩次射破保方10指關後，上周中意大利盃亦射入1球及1次助攻，狀態相當弗。今仗對手只係下游分子基爾禾，相信「小施蒙尼」大把搵食機會。不過，熱拿亞防線令人不敢恭維，上仗意盃對乙組仔佩魯賈，法定時間90分鐘都失兩球，加上佢哋作客3連敗，就算「小施蒙尼」繼續有波入，但球隊未必可以保持清白之身。
另一場意甲烏甸尼斯主場對博洛尼亞，雙方實力接近，但烏甸尼斯勝在人腳齊整，反觀博洛尼亞有後衞加斯達迪路停賽，加上射手施蒙尼華迪、中場盧卡列素、後衞希蘭達等5位球員受傷缺陣，天殘地缺，捧烏甸尼斯主勝為妙。
（TVB 302周二凌晨4時直播）
西甲方面，皇家蘇斯達走勢凌厲，近5場聯賽取得4勝1和，包括以2比0擊敗馬體會，同埋打和巴塞隆拿1比1，絕對唔嘢小，今仗作客拉科魯尼亞開平手盤，必捧皇家蘇斯達。
（Now 632周二凌晨3時45分直播）
页:
[1]