朗斯士氣盛主Ｗ過關穩
今晚賽事比較少，阿King精選1條過關3串1，以法乙朗斯主場對阿些斯奧為重心。朗斯近況唔錯，上仗更作客擊敗榜首球隊比斯特，大大振奮軍心，難得打起士氣，梗係唔好畀佢停。阿些斯奧今季作客未贏過，阻唔住朗斯全取3分，主勝屬過關穩選。（周二凌晨3時30分開賽）
朗斯上季排第6位，未能取得升班資格，今季再接再厲，仍然係爭升班分子，上仗憑施維天奴域、基斯甸盧比斯各入1球，擊敗「一哥」比斯特，證明球隊具備爭升班實力。朗斯勝在中前場多數胡人物，中場保斯托已有5球進帳，兩位前鋒基斯甸盧比斯、奇雲科東尼各入3球，陣中已有7人取得入球，進攻瓣數多，令對手防不勝防。至於阿些斯奧今季6場聯賽作客只有2和4負，如果計埋盃賽，近6次作客更輸咗5次，只入2球，根本冇得同狀態當勇嘅朗斯鬥。
串禾斯貝加踢球者防衛者
德乙禾斯貝加踢球者主場對聖保利，包尾嘅聖保利近7場聯賽只有3和4負，最大鑊係6場聯賽作客錄得1和5負，禾斯貝加踢球者主W屬不二之選。另外，阿甲阿度斯維主場對防衛者，兩隊格食格，近4次對賽防衛者全勝，平手盤必捧客軍。
页:
[1]