棄卒賓迪基向紅軍大報復
今晚英超壓軸尾場，水晶宮喺主場硬撼利物浦。水晶宮今季簽入紅軍棄卒賓迪基，呢位比利時箭頭腳風轉順，今仗倒戈誓要入多幾粒吐烏氣，話畀紅軍領隊高普知係佢唔識貨，況且利物浦近年出戰水晶宮皆冇乜甜頭，反而近7次正面交鋒，有6次總入球至少有3粒，今仗隨時合演入球騷之下，捧2.5球大盤更划算。（Now 621及LeSportsHK應用程式周日凌晨零時30分直播）
水晶宮近8次交手多士哥
上季高價加盟利物浦嘅中鋒賓迪基，因為同中途接手嘅主帥高普嘅跑轟戰術格格不入，淪為後備，最終今夏被放棄轉投水晶宮。呢名比利時箭頭亦喺新東家大踢爭氣波，7次聯賽上陣攻入3球，今仗倒戈誓要爭取士哥，向唔識貨嘅高普示威。睇番利物浦近年對水晶宮都冇乜甜頭，近8次正面交鋒，利物浦只獲3勝1和4負，其中最經典之役，莫過於13/14年球季季尾，當時力爭聯賽冠軍嘅紅軍，竟喺領先3球嘅極大優勢下，响末段突然崩潰，作客畀水晶宮逼和3比3，令佢哋與冠軍絕緣，相信紅軍粉絲一定記得，今仗絕對唔易啃。
查實兩軍每次碰頭都打到甩髀，之前8次交手，全部嘅總入球皆達3球或以上，證明今仗都會係鬥攻格局，捧中位數2.5球嘅大最佳選擇。
页:
[1]