查比高恩斯讓球勝過關穩
南美球會盃8強，聽朝會繼續踢首回合賽事，阿King睇中咗巴甲嘅查比高恩斯，佢哋會作客哥倫比亞嘅青年體育會。查比高恩斯近況回穩，反而青年體育會連續多場贏唔到狀態低沉，今仗就算主場出擊都難言穩勝，讓球主客和青年體育會讓一球，阿King推介查比高恩斯讓球客勝。（LeSports HK應用程式周四早上7時45分直播）
串哥列迪巴伐木者細盤
哥倫比亞青年體育會其實已經連續多場贏唔到，球隊可以晉級8強，係因為上圈同烏拉圭蒙特維多流浪激戰兩回合皆未分高下，最終靠互射12碼先晉級。青年體育會最近8場賽事只係得5和3負嘅成績，而且其中5場仲要冇波入，球隊陷入啞火狀態，今仗就算有地利都好難交出好成績。至於查比高恩斯依家喺巴甲排第11，球隊爭標無望又不愁降班，自然會集中火力踢好南球盃，而且近兩仗取得1勝1和表現唔差，今仗作客有力全身而退，捧讓球客勝。
另一場由巴甲排14嘅哥列迪巴，主場對哥倫比亞聯賽榜首球隊國民體育會。哥列迪巴近3場贏唔到之餘，仲要1球都入唔到，球隊攻力大跌Watt。而國民體育會近況平穩，而佢哋近兩次南球盃作客賽事，都同對手踢成1比1，今仗都係捧中位數2.5球嘅細盤。
（LeSports HK應用程式周四早上7時45分直播）
至於中冠盃B組賽事，美職波特蘭伐木者喺主場對哥斯達黎加嘅薩普里沙。伐木者今仗一定要贏波先可以出線，但球隊仍有機會出線美職季後賽，未知今仗會以咩心態踢。至於薩普里沙只需和波就可以晉級，球隊作客應該會踢守勢波，阿King推介中位數2.5球嘅細盤。
（周四早上10時開賽、馬會網上文字直播）
页:
[1]