銀河艦隊殺亞
歐聯分組賽嚟到第3輪，上屆盟主皇家馬德里於F組主場迎戰波蘭球隊歷基亞，皇馬4連和後，上仗聯賽大爆發，大炒貝迪斯6個1皮，當家巨星C朗有份士哥，呢名葡萄牙前鋒之前歐聯2場分組賽都有波入，累積已有95個歐聯入波，今日對住魚腩，隨時有機會「五福臨門」！加上「銀河艦隊」其他射手賓施馬、艾斯高同加利夫巴利當弗，「讓球主客和」讓三球都唔使驚，1.7倍讓球主勝仍然值得捧場。（有線62及202台周三凌晨2時45分直播）
皇馬勁過歷基亞係人都識講，實力究竟相差幾遠呢？數據化啲，用歐洲足協排名睇吓，今年9月公布嘅歐洲國家系數排名，西班牙排第1，波蘭排21，如果以球會排名計，皇馬喺455間球會之中高踞榜首，而歷基亞只係排80。
歷基亞F組無骨魚腩
今輪係分組賽第3輪，完咗呢輪分組出線形勢就會明朗，強隊呢場一定會搶分，對後面嘅聯賽及歐聯雙線發展部署有好大作用，皇馬喺過去3屆歐聯分組賽第3輪都成功搶分，而且對手仲要係強隊，上屆作客0比0悶和巴黎聖日耳門、14/15球季作客3比0大炒利物浦、13/14球季主場2比1力克祖雲達斯，今次只係無骨魚腩，相信呢3分袋硬。
講咗咁多嘢，只係想講皇馬贏就贏硬，但從菠菜角度，究竟點買最好？我哋又不妨用「類比法」做過參考，同組已踢過嘅賽事，皇馬贏士砵亭2比1，而士砵亭就贏歷基亞2比0；皇馬作客同多蒙特打和2比2，「蜜蜂兵」就炒過歷基亞6比0，即是話皇馬今場最少贏4粒或以上。
渡邊年梗係知踢波一場還一場計，但今場皇馬真係有大炒嘅條件，「銀河艦隊」之前無啦啦和咗4場，教練施丹壓力好大，好彩上仗聯賽班波生性，贏貝迪斯6比1，C朗、賓施馬、艾斯高甚至馬些路都有士哥，呢排梗係要順番個勢贏幾場。最重要嘅係，C朗之前2場歐聯分組賽對住多蒙特同士砵亭都入到波，斷估唔會咁失威，對住歷基亞冇波入啩，而且C朗已經累積95個歐聯入球，仲差5個就成為「百球俱樂部」成員，唔需要懷疑佢嘅鬥心，今場皇馬上下必定搶韁，讓球主勝可取。
页:
[1]