巴斯克打吡撐皇蘇
畢爾包熱唔透牙煙早排世盃外等國際賽啱啱打完，依家各大聯賽又返晒嚟，今日心水推介賽事以西甲為主，重心係「巴斯克打吡」畢爾包主場對皇家蘇斯達，畢軍有歐霸顧慮，難免畏首畏尾，初盤讓到半一實在太辣，況且近年交手冇啖好食，寧捧受讓嘅皇蘇1.78倍下盤。
（Now 632周日晚10時15分直播）
雖然巴斯克打吡嘅矚目程度，與皇馬對巴塞嘅國家打吡差10條街，不過講到菠菜方面，查實係有路可捉。畢爾包近年表現穩定性高，加上主場之利，今場要讓波亦無可厚非，不過初盤讓到半一之餘，仲要有逾2倍嘅高水，明顯熱唔透，而且「巴斯克雄獅」畢爾包亦要征戰歐霸，嚟緊周中造訪比利時球隊亨克，講真佢哋嘅板櫈深度絕非豪門級數，雙線作戰對兵源點都有影響。
華倫換帥省招牌
講到明打吡戰，兩軍梗係世仇關係，每次碰頭都打崩頭，可以大膽講句，皇蘇每季最唔想輸嘅賽事就係對畢爾包，必定能激起眾將戰意，睇埋雙方近6次交鋒，皇蘇取得2勝4和不敗佳績，就算作客都冇有怕，有得受讓必捧下盤。
另1場西甲心水係夜啲嘅希杭主場對「蝙蝠兵團」華倫西亞，呢場係「蝙蝠兵團」新帥柏蘭迪利中途接手後首度領軍，呢位意大利名帥一向有料到，首騷梗係想攞頭彩省靚招牌，希杭今季失波勁多，近5仗聯賽失咗15球，後防曳到冇朋友。由於華倫開咧表現欠佳，某程度為佢哋退晒熱，今仗作客只係小讓平半兼低水，喺新帥效應下睇嚟有啲計，上盤不容錯過。
（Now 632周一凌晨零時30分直播）
页:
[1]