急流美職衝冠吼主W
科羅拉多急流正力爭球隊史上首個美職常規賽冠軍，佢哋依家落後FC達拉斯2分排第2但打少場，聽朝主場對聖荷西地震，急流贏波即重掌爭冠主動權，單係戰意都值捧，阿King推介1.77倍嘅主勝。
（TVB 302周五早上9時直播）
急流上仗作客侯斯頓戴拿模驚險袋晒3分，加上佢哋連續4仗主戰冇失波，今場主W應手到拿來。對手地震現時排西岸第8，數字上仍有機會踢季後賽，但要贏晒餘下賽事之餘再寄望競爭對手失分，確實有啲難度。地震近3仗作客未贏過，加埋射手雲度路斯基剛為美國踢完國際賽，未必出到場，今場想搶分真係唔易。
火燄復仇劫「機」
另1場美職芝加哥火燄主場對哥倫布機員，兩隊上輪先交過手，當時機員主場贏3粒，但火燄返主場就唔同講法，有望復仇成功，受讓捧讓球主勝。（TVB 303周五早上8時30分直播）而葡聯盃賽事士砵亭作客甲組仔法馬利卡奧，兩隊實力相差甚遠，士砵亭讓一球照捧讓球客勝。
（周五凌晨3時15分開賽）
页:
[1]