俄U21無得爭德國「-2」照撐
U21歐國盃外圍賽今晚有4場賽事上演，當中8戰全勝嘅德國U21將喺主場對俄羅斯U21。德國U21今仗贏波就可以穩奪首名出線資格，球隊實力同狀態都遠勝對手，加上主場出擊已連贏6場，今仗有望大勝一仗，「-2」阿King照推介讓球主勝。（周六凌晨零時開賽）
U21歐國盃外圍賽嘅9支小組首名，將可直接進身決賽周。9組中4支小組最佳第2則要進行附加賽爭奪兩個決賽周資格，小組同分將先計算對賽成績。德國U21喺第7組8戰全勝表現強勢，當中主場4仗更起碼贏對手兩球或以上。德國今次點兵有多蒙特後衞馬菲亞斯真達、曼城前鋒利萊辛尼同禾夫斯堡中場麥斯美艾洛特在陣，陣容強勁有力輕取對手取得出線資格。
俄羅斯U21喺小組8戰只得8分，肯定無緣取得第2位，因此餘下賽事已經變成例行公事。俄羅斯U21由於多名球員有傷，包括喺外圍賽入咗3球嘅前鋒沙達耶夫，因此入選球員並非最佳人腳，實力明顯比唔上德國U21，加上又肯定出局隨時無心戀戰，今仗勢當炮灰，捧讓球主勝。
串丹麥W挪威大
至於丹麥U21現時喺第5組領先次席嘅羅馬尼亞U21成6分兼打少1場，已經肯定取得首名出線資格，球隊近6場作客贏晒，今仗造訪近況一般嘅保加利亞U21有望再勝一仗。（周五晚11時開賽）而第9組嘅挪威U21會喺主場鬥瑞士U21，兩隊仍有機會爭取最佳次名球隊出戰附加賽，全力爭勝隨時出現駁火場面，一於捧入球大。
（周六凌晨零時30分開賽）
页:
[1]