荷蘭斷層煲魚生粥
歐洲名牌勁旅荷蘭愈踢愈頹，未能出線今夏歐國盃令球隊跌至近年最低點，「橙衣軍團」今晚會喺世盃外歐洲區A組迎戰白俄羅斯，論牌面主隊當然高一截，不過荷蘭今非昔比，面對擅守嘅白俄未必可以予取予攜，球員信心未復下頂多小勝，讓球和[-1]值得一博。（有線64及203台周六凌晨2時45分直播）
曾幾何時，荷蘭係足球人才輸出國，可惜近幾年出現斷層，自尹佩斯、洛賓、雲達華治、亨特拉爾等巨星滑落兼淡出後，接班球員未見突出，緣盡歐國盃為荷蘭球壇響起警號。領隊白蘭特今次點兵，王牌前鋒尹佩斯已經冇份入選，掛帥嘅雲遜贊臣明顯能力有限，今季加盟熱刺後冇場好波，荷蘭要贏就要靠中場史奈達、韋拿杜姆後上幫手，小勝對荷蘭嚟講已經係理想戰果。
白俄死守唔輸得多
白俄羅斯陣中冇名牌球星，戰鬥力亦明顯唔能夠同歐洲列強抗衡，不過佢哋勝在有自知之明，盡力做足「陪跑」角色踢好每場比賽，尤其作客賽事往往屯重兵死守，上屆世盃外白俄4仗作客比賽雖然輸晒，但4仗賽事都可以喺上半場守住0比0，其中3仗力戰下僅輸1球，今仗佢哋好大機會照辦煮碗，務求將失球減到最低，荷蘭似係會煲魚生粥。
页:
[1]