雙星打救 國米過關膽
「新尼馬」登陸意甲打救國米！意甲佩斯卡拉主場對國際米蘭，要客W。事關國米早前簽入「新尼馬」加比爾巴保沙，加上貴價葡萄牙中場祖奧馬里奧亦已歸隊，球隊實力大「升呢」，遇上新升班球隊佩斯卡拉，正係開齋良機，客勝1.71倍屬過關必選。（TVB 302周一凌晨2時45分直播）
國米季前炒咗文仙尼，臨急由荷蘭名宿法蘭迪保亞接手，難免影響備戰工作，搞到開季兩戰僅1和1負，好彩有個國際檔期畀隊波喘息，令法蘭迪保亞有時間作出詳細檢討。最重要係有兩位重量級新兵來投，包括有份協助巴西首奪奧運男足金牌嘅加比爾巴保沙，呢位20歲前鋒出身於巴甲山度士，能傳擅射，因而被譽為「新尼馬」，原本巴塞已斟掂佢，但被國米截胡，呢支西甲豪門因而要控告山度士違約，足以證明加比爾巴保沙並非池中物。
串烏甸下盤銀河半和
國米以4,000萬歐元向士砵亭收購嘅祖奧馬里奧，已歸隊操練，呢位23歲中場協助葡萄牙捧走歐國盃冠軍，卡士十足，國米獲得兩位猛將加盟，冇理由再失拖。至於同市球隊AC米蘭就大鑊了，因為上仗輸畀拿玻里之餘，仲有前鋒麥巴耶尼安、中場古卡被逐，今晚主場對烏甸尼斯，兩人都要停賽，AC陣容不整，仲要讓到半一，捧烏甸尼斯下盤。（TVB 303周日晚9時直播）另外嗰場美職洛杉磯銀河主場對奧蘭多城，銀河近7次主場出擊全部開出半場和，非常好路，值得再追。
（TVB 303周一早上7時直播）
页:
[1]