易帥搞亂檔 巴勒莫拿玻里鬥大鑊
周六有成百幾場波，雖然睇到人頭昏腦脹，但阿King一樣搵到好嘢，就係意甲賽事，當中巴勒莫對拿玻里絕對係重心。巴勒莫開季未贏過，球隊日前決定換帥，成班球員又要重新適應過，對住最近場場總入球都起碼有3球嘅拿玻里，今場應該會係入球騷，一於捧中位數2.5/3球嘅大盤。（TVB 302周日凌晨2時45分直播）
巴勒莫上仗打和國際米蘭表現唔錯，點知早幾日老闆森柏連尼又「發功」，竟然將只係帶隊兩場嘅主帥巴拉甸尼炒咗，由迪薩比接手。一眾巴勒莫球員突然又要適應另一位教頭嘅打法，相信唔係短時間可以做到，今仗面對狀態甚弗嘅拿玻里，好難保住清白身。
拿玻里開咧首兩戰1勝1和，其實第1場贏唔到佩斯卡拉，可能同主力射手希古恩剛離隊有關。不過，拿玻里上仗對AC米蘭即回復戰鬥力，憑荷西卡利祖同米利克梅開二度以4比2贏波。不過拿玻里後防表現其實唔算太好，近3場夾埋失咗5球，就連佩斯卡拉都入到兩粒，今仗隨時會畀巴勒莫入到波，一於捧中位數2.5/3球嘅大盤。
祖記主場「薩」無赦
另一場意甲賽事係衞冕嘅祖雲達斯主場對薩斯索羅，祖雲達斯主場8連勝表現出色，加上今仗對手薩斯索羅早前因為派違規球員上陣被判輸0比3，今仗睇嚟都冇運行，捧讓球主勝。
（TVB 302周日凌晨零時直播）
至於法甲里爾主場對摩納哥，摩納哥有歐聯後顧，今仗或會留力，平手盤捧里爾。
（TVB 303周日凌晨2時直播）
页:
[1]