山東征韓難抗首爾

猪拉多纳 · 发表于 2016-8-24 14:10

馬加夫亂用兵自廢武功

周三晚亞冠8強首回合又上演「中韓大戰」，今次由韓職「2哥」FC首爾主場硬撼中超球隊FC山東。今季FC山東大跌Watt，就算季中搵嚟「魔鬼教練」馬加夫接手都幫助不大，佢又貪新鮮，為用新加盟嘅加斯安奴柏利而將表現出色嘅箭頭迪亞高泰達利除名，可謂自亂陣腳，撞正今屆亞冠4仗主場贏3仗嘅FC首爾難有運行，主勝值博。

（Now 670周三晚6時30分直播）

FC山東今季於中超表現飄忽，現時只排第11位，佢哋喺6月改由「魔鬼教頭」馬加夫接手，不過呢位德國籍鐵腕主帥已經過晒氣，2年前季中教富咸亦護級失敗，況且佢剛愎自用嘅個性，成日搞到球隊內部立立亂，之前教拜仁及禾夫斯堡都不歡而散。雖然FC山東簽入喺歐國盃表現唔錯嘅意大利國腳加斯安奴柏利，但啱啱加盟點都要時間適應。再睇埋FC山東遞交嘅亞冠大軍名單，加斯安奴柏利榜上有名唔意外，最奇怪係竟然剔走咗迪亞高泰達利，呢位巴西箭頭喺今屆亞冠分組賽已攻入4球，絕對係殺入8強嘅功臣，但馬帥為用柏利不惜踢走佢，真係唔明佢諗乜。
首爾分組賽騎住山東

FC首爾絕非善男信女，而且與FC山東今屆喺分組賽同處F組，2次交手仲1勝1和，並騎住對方以首名出線，心理上稍佔優勢。況且FC首爾主場出擊特別sharp醒，連同16強在內，今屆亞冠4仗主場出擊，錄得3勝1和未輸過，仲有今屆亞冠首席射手、攻入11球嘅箭頭卡路士阿祖安奴壓陣，面對立立亂嘅FC山東，今仗可藉地利先拔頭籌。

		自动登录	找回密码
密码			会员注册

[足球] 山東征韓難抗首爾

盘口精英奖

最旺人气奖

终生成就奖