巴塞士氣盛勢炒些路迪

猪拉多纳 · 发表于 2016-7-30 14:03

美斯帶頭眾將提早歸隊

根據以往嘅慣例，假如球員喺夏天要踢國際大賽嘅決賽，通常都可以遲啲返所屬球隊報到。巴塞隆拿隊長美斯今夏率領阿根廷喺美洲國家盃打入決賽，因此獲批喺8月1日先歸隊。不過，美斯決定提早1星期返巴塞報到，呢種積極勤奮嘅態度仲感染埋其他隊友，達史迪根、馬斯真蘭奴同碧基等隊友都提前歸隊，難怪西班牙傳媒一致認為美斯起咗模範嘅帶頭作用，有助提升士氣。

其實，呢次並唔係美斯第1次提早歸隊，去年就曾經提早4日返到巴塞備戰歐洲超級盃。不過，美斯今次提前7日返嚟，如今更會隨隊征戰英倫，縱然冇得到足夠嘅假期，但美斯嘅狀態似乎唔錯，喺訓練期間仲可以輕鬆「戲弄」馬菲奧同蘇亞雷斯，難怪西媒《阿斯報》都驚嘆美斯一如以往咁犀利。
些路迪分心歐聯外圍賽

至於出戰今夏歐國盃和美洲盃嘅達史迪根、布斯基斯同馬斯真蘭奴等人都提前歸隊，由於德國打入歐國盃準決賽，達史迪根係可以喺8月7日先返球隊報到，但呢位德國門將竟提早11天返歸同隊友會合。而布斯基斯、馬斯真蘭奴同碧基其實都可以喺8月1日先歸隊，但3人皆提前回到巴塞備戰，令球隊上下士氣如虹，同時打下良好基礎。

巴塞今晚深夜會喺愛爾蘭同蘇超球隊些路迪進行國際冠軍盃賽事，些路迪剛喺周中歐聯第3圈外圍賽作客哈薩克球隊艾斯坦拿打成1比1平手。由於次回合喺下周中上演，些路迪為保歐聯呢條財路，今仗面對巴塞相信未必會盡遣主力應戰。至於巴塞有主力美斯等隨隊出征，實力明顯比些路迪高一截，今仗有望輕取對手，一於捧讓球主勝。

（有線61及201台周日凌晨1時直播）

		自动登录	找回密码
密码			会员注册

[足球] 巴塞士氣盛勢炒些路迪

盘口精英奖

最旺人气奖

终生成就奖