老虎翻生摩納哥大爆發
歐洲列強熱身賽好戲輪住上演，今晚就有場分量十足大戰，由法甲勁旅摩納哥主場迎戰辛尼特。摩納哥自7月初開操後，踢4場熱身賽獲3勝1和，「老虎」法卡奧復甦令球隊鋒力大增，不過摩納哥表現有前無後，對住鋒力同樣強勁嘅俄超球隊辛尼特，中位數2.5球嘅入球大值得支持。（有線64及203台周二晚11時直播）
摩納哥近4仗熱身賽製造唔少大手交易，包括5比3擊敗瑞士超球隊盧加奴、打和卡利恩斯3比3、大勝士砵亭4比1，只有上仗小勝巴素利1比0較少入波。值得留意，哥倫比亞射手法卡奧已經重返摩納哥，而且有鹹魚翻生之勢，對士砵亭一役個人梅開二度，近4仗轟入3球，摩納哥入球能力夠晒保證。
辛尼特操弗鬥攻
辛尼特近2仗熱身賽分別大勝巴素利4比1，以及4比2擊敗士砵亭，中場查維加西亞、前鋒基沙哥夫連續兩仗攞到士哥，可見巴西前鋒侯克離隊並冇削弱辛尼特嘅攻擊力。俄超喺今個月尾開鑼，辛尼特將率先喺7月24日俄超盃對莫斯科中央陸軍，所以上月已開操，準備工夫做到足，狀態唔差得過摩納哥，相信會合演精彩入球大戰。
页:
[1]