墨西哥委內瑞拉大鬥法
爭首名走線避阿根廷聽朝美洲盃C組尾輪矚目之戰，墨西哥硬撼委內瑞拉，查實兩軍同得6分已提早晉級，今仗只係首名資格之爭，兩隊近年交鋒經常合演入球騷，中位數2.5球嘅大盤不容錯過。
（now 650周二早上8時直播）
由於墨西哥與委內瑞拉頭2仗全勝擸晒6分，提前鎖定8強席位，似乎今仗只屬例行公事。但根據8強形勢，C組次名球隊會鬥D組首名，D組首名好大機會係「球王」美斯領軍嘅阿根廷，唔想咁快撞正呢支奪標大熱門，預計雙方今仗唔會hea踢。墨西哥挾住10連勝、9仗不失球嘅威勢，仲有「小豌豆」前鋒查維亞靴南迪斯壓陣，理應秤先少少，但委內瑞拉箭頭荷西朗頓同祖斯夫馬天尼斯已經開齋，兩軍隨時鬥攻都似，加上近5次對壘，有4次總入球達4球咁多，寧願博入球大（2.5球）。
阿蘇續缺烏拉圭埋「牙」輸蝕
同組另一場烏拉圭對牙買加，兩軍已篤定出局，今仗變成例行公事，「烏圭」上仗輸畀委內瑞拉，剛好番嘅王牌蘇亞雷斯因冇得落場發晒脾氣，今仗未必會披甲，呢班波冇「阿蘇」真係差好遠，而牙買加有魯多夫柯士甸刑滿復出，預計可頂住唔輸，受讓必捧讓球客勝。（now 650周二早上10時直播）
至於A組尾輪，東道主美國小勝巴拉圭1比0，另一邊廂篤定晉級嘅哥倫比亞以2比3不敵哥斯達黎加，令「花旗國」以較佳得失球反壓同分嘅哥倫比亞，取得首名出線。
页:
[1]