勝利求翻身受讓要爭汽
今晚上演亞冠盃16強次回合，率先開波由南韓全北汽車主場鬥澳職墨爾本勝利。雙方首回合打和1比1，換言之全北汽車有1粒作客入球在手，今仗守和0比0都可進身8強，爭勝決心難免唔及必須入波嘅墨爾本勝利，而且「全汽」近4次亞冠盃淘汰賽主場都贏唔到，今仗仲要讓波，梗係捧墨爾本勝利讓球客勝為佳。（now 672周二晚6時直播）
全北汽車連續第4屆打入亞冠盃16強，除咗上屆可以躋身8強外，其餘兩屆都係16強止步。皆因球隊主場表現欠佳，連同上屆8強首回合打和大阪飛腳0比0，全北汽車近4次亞冠盃淘汰賽主場只得2和2負，發揮唔出地利優勢，冇本錢讓波。
至於墨爾本勝利今屆亞冠盃，曾作客打和另一支南韓球隊水原藍翼，而且佢哋近3次同全北汽車交鋒，都打成平手，今仗無疑係一場五五波，墨爾本勝利受讓有着數。
上海SP絕地搶W
另一場亞冠盃16強次回合，上海SP（上海上港）主場迎戰FC東京。上海SP首回合輸1比2，但有作客入球，形勢未算太差，呢支中超豪門今屆亞冠盃主場3戰全勝，每仗都能攻入2球或以上，陣中主力孔卡、艾傑臣都是亞冠盃冠軍級人馬，毋懼踢逆境波，今仗有力收復失地，簡單捧主勝。
页:
[1]