紅軍決戰西維爾吼半和
不死鬥士 Vs 歐霸專家今晚歐霸盃決賽於中立場瑞士聖雅各布公園球場爆發，由英超勁旅利物浦硬撼力爭3連霸嘅西甲雄獅西維爾。利物浦今屆先後淘汰曼聯、多蒙特及維拉利爾等勁旅，韌力十足，不過西維爾近10屆4度打入歐霸決賽均「命中」捧盃，例不虛發，兩軍旗鼓相當，為奪冠取得下屆歐聯入場券，相信初段唔敢冒進，加上近9屆歐霸決賽，有7次上半場未分勝負，捧半場和最穩陣。
（now 670周四凌晨2時45分直播）
利物浦今屆踢14仗歐霸只輸1仗，而且淘汰賽階段先後踢走曼聯、多蒙特及維拉利爾等爭標熱門；相反西維爾由歐聯降格歐霸踢了8仗只得4勝2和2負，而且對手僅是莫迪、巴素利、畢爾包等歐洲二線球隊，紅軍明顯贏得更有說服力。而且紅軍於8強對多蒙特及4強對維拉利爾，都幾乎出局，但最終憑着不死鬥志反勝晉級，堅有韌力，加上隊長佐敦軒達臣傷愈趕及復出，雖未知能否正選上陣，但呢個好消息有助提升士氣。
西維爾力爭3連霸
西維爾堪稱歐霸專家，近10屆4次殺入歐霸（及前身歐洲足協盃）決賽均捧盃而回，之前2屆擊敗葡超賓菲加及烏超迪尼普，今屆力爭3連霸。不過自歐霸連前身歐洲足協盃於71/72球季創辦以來，從未有球隊能夠連續3屆奪冠，如果連同歐聯嘅前身歐冠在內，歷來亦只有皇馬、阿積士及拜仁3隊可在歐洲賽連贏3屆，最近1次已係73至76年嘅拜仁，西維爾要挑戰一項塵封40年嘅紀錄，難度極高。
近9屆決賽7次半場和
睇番近9屆歐霸決賽，共有7次開出半場和，最近2次上半場分出高下之役，都係同國內訌，今屆由英、西球隊交鋒，兩軍半斤八両，大家都想藉捧盃取得下屆歐聯參賽資格，況且決賽場合不容有半點疏忽，初段難免踢得保守，半場和值得再追。
页:
[1]