CF阿美利加半和最拿手
聽朝中冠盃決賽次回合上演墨西哥內訌Part 2，由衞冕嘅CF阿美利加返主場再鬥同國球隊堤格雷斯。CF阿美利加首回合Lead住2粒，你急佢唔急梗係施「守」術喇，而且佢哋於初段特別守得，之前5仗中冠盃4次開半場和，今場半場和值得追多鋪。（周四早上9時45分開賽）
CF阿美利加喺上周中嘅中冠盃決賽首回合，作客輕鬆贏堤軍2比0，搶到先機之餘，仲揸住2個作客入球喺手，今場次回合唔使急於進攻。上屆盟主CF阿美利加經驗豐富，又擅打穩陣波，之前5仗中冠盃有4次喺上半場同對手打和，當中有3次互交白卷，可見佢哋初段嘅防守特別專注。堤格雷斯落後2粒梗係想盡快收復失地，不過連同上屆在內，近7仗中冠盃6次開半場和，球隊作風慢熱好難改，面對防守穩固嘅CF阿美利加，半場和可作過關穩膽。
里爾失盃搵昂熱出氣
至於法甲補賽里爾主場對昂熱，里爾剛於法聯盃決賽不敵巴黎聖日耳門，惟有化悲憤為力量，全力爭取前三嘅歐聯入場券，佢哋依家落後「三哥」摩納哥7分但打少1場，仲未絕望，挾聯賽6連勝氣勢，可殺退昂熱重上正軌。
（TVB 302周四凌晨零時30分直播）
最後自由盃16強首回合，蒙特維多國民隊主場對哥連泰斯，主隊今屆分組賽兩勝巴西球隊彭美拉斯，增強佢哋對「森巴兵」嘅信心，不過哥連泰斯近4仗狂轟15球，捧大盤更佳。
（周四早上8時45分開賽，馬會網上文字直播）
页:
[1]