賓菲加葡超衝冠起塞
歐洲各大聯賽爭標進入大直路，葡超賓菲加同士砵亭鬥得非常激烈，上季盟主賓菲加現時落後踢多1場嘅士砵亭1分，所以今仗主場對塞圖巴爾，絕對冇失分空間，特別係賓菲加剛於歐聯出局，更加需要捧聯賽冠軍，向球迷交代，應會盡數塞圖巴爾重振聲威。賓菲加讓兩球，阿King照捧讓球主勝。（now676周二凌晨4時直播）
塞圖巴爾作客聽炒
賓菲加攻力驚人，今季29場聯賽已轟入78球，換言之平均1場入近3球，皆因鋒線猛將如雲，莊拿斯干卡維斯就獨取30球，拍檔美度古亦有18球進帳，兩人簡直係夢幻組合。賓菲加上周中歐聯都可以攻入拜仁慕尼黑兩球，對上1次聯賽主場對前列球隊布拉加，更大勝5比1，況且今仗對手只係下游球隊塞圖巴爾，大勝一仗應該冇難度。塞圖巴爾近7場作客得2和5負，呢鋪凶多吉少。
另一場葡超布拉加主場對唐迪拉，包尾嘅唐迪拉連贏兩場，包括作客以1比0擊敗傳統班霸波圖，搶分護級決心十足，對住近4仗只有1和3負嘅布拉加，唐迪拉受讓博得過。瑞典超艾夫斯堡主場對馬模，雙方開季後3戰同樣全開入球大，一於再追。
页:
[1]