皇蘇平手筍盤(口趙)弱旅

猪拉多纳 · 发表于 2016-4-16 13:54

肥叔成日都話唔好淨係玩名牌球隊，只要有心搵，一定搵到筍盤，因為愈唔起眼嘅球隊，有時更加好路。是日重心推介場次，係西甲伊巴主場對皇家蘇斯達，皇蘇絕對係一舊難啃豬頭骨，今仗竟然有平手盤咁筍，有買要趁早。

（now 632周日凌晨2時30分直播）
伊巴態沉外圍吹淡風

球迷可能話皇蘇季初深陷降班危機，有乜咁筍呀，但你咪理，佢哋經過一輪搶分後，依家咪喺中游印印腳，近2輪聯賽更連挫巴塞及西維爾等勁旅，真係估佢唔到。皇蘇呢班波毫無星味，今季又表現飄忽，好難引起球迷注意，相對地好多時會出現筍盤你都唔知。以今仗為例，皇蘇作客伊巴有平手盤，由於冇得受讓好似唔多筍喎，不過細心一睇，伊巴已經連續8場未贏過，若果再數遠啲，近12仗只錄得1勝2和9負，真係見到都唔開胃，你話皇蘇有平手盤係咪好筍呢？加上出面啲菠菜公司對伊巴狂吹淡風，咁都唔揀皇蘇更待何時。
國米爭前三唔赦拿玻里

至於意甲國際米蘭對拿玻里，初盤拿玻里要讓平半，但有逾2倍咁高水，邊有咁大隻蛤乸隨街跳呀，擺明係熱唔透，雖然話拿玻里要爭冠，但國米同樣要爭前三嘅下屆歐聯入場券，有得受讓值得秤先少少。

（TVB 301周日凌晨2時45分直播）

		自动登录	找回密码
密码			会员注册

[足球] 皇蘇平手筍盤(口趙)弱旅

盘口精英奖

最旺人气奖

终生成就奖