沙池王子兩W在手
「沙池王子」情況與侶「自然旺家」相似，同為自購新馬兼上季已贏，但看表現質素應較後駒為高。前駒上季在港初出跑谷草，角逐1000米排八檔，表面睇已不利，加上起步後包尾，路程咁短確實難追，但最終竟造出最快末段22秒75跑入第三，負於頭馬不足一個身位；雖則臨場有快步速之助，但亦要本身有此能耐，明顯暴露了實力。「沙池王子」再出即增程跑1200米，雖然只是多了二百米，但三歲馬可能一時未能適應，沒有預期再進一步，不過得第五算是不差了；之後轉跑泥地，當日場地大利放頭，本身能後上輸唔遠，其實及格有餘。
跑過兩場1200米有晒經驗後，「沙池王子」繼續攻此程，轉到田草長直路應更合，結果一如所料後上贏馬，且蹄下敗將「春意溢然」及「火乘風」再出再上名，確認賽事水準不俗。目前評60分，今季直接報跑三班輕磅仲好，至少兩W應無問題。
页:
[1]