畀罰款趕搭尾班車 韋達肯定攞彩
韋達剛停完三期賽事，趕得切今次煞科日復出，如果唔係佢大手筆畀六皮嘢罰款，代替多停賽一日，其實跑完22/6嗰日，已經可以提早唞暑。佢會咁慷慨，先使未來錢，今日唔係有筍嘢在手，為乜要破費喎！今季韋達失落冠軍騎師榮銜，唔能夠連續十四屆封王，唔算失威，因為多年功績，面上早已貼滿金，但肯定有多少失落，仲要唔係輸畀雷神，而係外傳同佢冇偈傾嘅潘頓，所以，佢喺今日復出，一定唔會失場，輸人唔輸陣，必圖攞番個尾彩威威。
韋達今日坐騎有十匹，冷門唔係冇，為數比較少而已，隔晚十幾倍只有「香港神駒」、「皇仁威龍」及「風花雪月」三匹，其他一概係熱門，熱到唔夠兩倍嘅都有，單係睇飛，以呢個陣容迎戰，又確係唔應該冇料到。
戰利品定過抬油
好似「戰利品」，隔晚賣到唔夠兩倍，真係定過抬油；頭場「天狼星」，連場1600米有位置，搏開但未出頭，點會手軟；「靚猴王」及「好加加」，近幾場表現好，點可能唔重視。Jack
页:
[1]