樂有贏季尾破悶局
第四場文家良隻「樂有贏」，對上一次贏馬要數到2012年6月17日，之後呢兩季經常跑入前列攞獎金，取得嘅位置不計其數，但硬係贏唔到，令馬主樂其龍都非常無奈。樂有贏內欄竄上重開勝門，文家良大讚潘頓醒目。
好在皇天不負有心人，「樂有贏」尋日沙田作本季最後一擊，卒之一吐烏氣，喺潘頓胯下贏番場，爆出11倍獨贏，總算為今季畫上完美句號。「樂有贏」今仗由內欄以勁勢後上贏馬，過程相當驚險，因此馬主樂其龍贏馬後，難免顯得特別激動。
樂有贏馬主樂其龍（右）從事嬰兒用品生意，潘頓囡囡的嬰兒用品有着落，咁練馬師文家良（左）又有無禮物呢？
文家良賽後將贏馬功勞歸於潘頓，練者話「樂有贏」係一匹難贏之馬，幸今場潘頓走位機警，因應今日內欄場地比較好追，最後直路選擇沿欄攝上，係致勝關鍵。
潘頓囡囡有大禮
潘頓十月出世嘅囡囡嬰兒用品有着落喇，事關爸爸替經營嬰兒用品生意嘅「樂有贏」馬主樂其龍，打破兩年頭馬荒，今次收硬大禮啦！
页:
[1]