飛躍之駒 強配求勝
第七場三班1200米，「飛躍之駒」連續兩仗於同程分別獲得一亞一季，近況大有起色；事實由季初87分下調至目前78分，明顯處於有利水平。今仗同班同程屬季內最後一戰，幕後亦不敢怠慢，由上場的吳嘉晉換上潘頓，大大加強攻力，路程專家可望贏番場才暑。「豪逸」上仗初戴眼罩初跑同程泥地1200米，快放至最後數步才被頭馬趕過屈居第二，表現不俗，今次更改配呂卓賢減七磅有助爭勝，補中決心相當大。
另外第八場三班1650米，「準備就緒」上場初上三班初跑泥地，照樣輕鬆勝出，除反映愈跑愈進步外，場地性能亦十分出眾。主方嘉柏現正為爭冠軍而努力，可爭分馬匹必然搏到盡，跑出應有水準不難食尾胡。
「黃金宅男」演出準繩，已經連續八仗有獎金，累積三冠兩亞一季一殿一第五，當中同程泥地1650米更一戰即入Q，未斷纜前仍要作為配腳。「博愛福星」兩度於同程入位，路程亦有根有據，回配贏馬拍檔杜利萊，應有出擊意圖，不容輕視。
向東
页:
[1]