有醒試準可亂大局
蔡約翰與方嘉柏惡鬥正酣，原以為冠軍寶座非此即彼，冷不防殺出一個告東尼，剛戰忽然神勇中三元，如今落後老蔡五場頭馬，相距小方只三W，若持續這良好勢頭，告仔當有機會遲來先上岸，一雪去季敗給葉楚航的前恥。今晚東五路興兵，陣容看似平平無奇，不過賭博士仔細研究，發覺「壯烈雄心」和「振興中華」俱有泥地根據，另外「馬利多」、「格鬥王」及「有醒」均是質新馬，說不定可像剛周日的「喜蓮巨星」突如其來；換言之，隻隻都有吼緊必要。
講到重心，第二場「壯烈雄心」近仗擺明試馬，連場自殺式狂放兼蝕位走外，埋門不腳軟才怪。但最令賭博士起疑的是，此駒現評21分，理應埋心水提早暑，今次出賽萬一拼輸，評分隨時被減至20分以下及被淘汰，咁就大件事了！馬兒在這危險關頭上陣，反映告仔已胸有成竹。
第六場三班1200米的「有醒」，上仗初出熱身但效果出奇地好，頭段墮後示人以弱，尾兩段繞三四隨便一衝，竟也造出45秒34快時間，可見三歲馬潛藏豐厚。查此駒上月出試泥地1200米閘，結果輕鬆彈甩一乘許勝出，場地已試清楚，今次排四檔起步形勢妙絕，有權左右大局。
賭博士
页:
[1]