豪逸泥閘出色票勁
跑馬地馬場上個禮拜四舉行咗最後一戰，代表今季餘下嘅賽日都喺沙田馬場上演，呢件事係好係壞，真係答你唔到。不過今晚八場沙田夜賽，有六場喺泥地跑道進行，噚日睇飛數又唔算太混亂，好多場搵到重心熱門，睇嚟爆唔出咩花樣。噚日搵怪飛馬嗰陣，發現兩匹初跑泥地嘅馬一度受到熱捧，佢哋分別係第五場「豪逸」同第八場「大威力」（見表）。由於前駒曾成為大熱門，票數誇張，周某決定揀佢。「豪逸」至今四戰，最熱嗰鋪係贏馬後再出一仗，都有6.1倍，相比今次嘅隔晚賠率亦有所不及，因為呢次隔晚佢曾得番4.1倍。呢匹馬明明初跑泥地，點解有咁多票數？之唔係佢兩次試泥閘獲冠亞各一囉。既然有人睇好，點可以唔揀？
騎師王方面，好少見布文咁熱得5.5倍，要信。(周仲)
页:
[1]