靚猴王篤定補中
近期又輪到潘頓發威，就算雷神都要行埋一邊，所以跑馬這回事，真的一輪輪，有實力馬之餘又要有戰意和手風輔助才能成事！今戰韋達復出，胯下坐騎惡到不得了，記憶之中，此子每每停賽復出或餓馬已久，演出例必有保證，再結合埋今賽手執一批惡馬，只要手風順，連番數胡絕不為奇，所以選擇追捧對象，非其莫屬！第十場三班1200米，曾記得看過文廐一批PP落地，S166、S278、S279和今場上陣的S280「靚猴王」，均留下不俗印象，來港適應快，進度理想，而後駒更一早由韋達嘜實，所以更加深刻。上仗初出已有重注見信心，可惜人算不如天算，終點前僅敗於「太陽驕子」蹄下，而該駒再出入Q，賽事水準肯定不差。此外，今賽掛頭牌也只負129磅，反映74分已成此組班頂馬，再做埋大閘始戰，篤定補中。
尾場二班1200米，「英勇大師」自落到韋達手上，進幅驚人，上場谷轉田打叠再贏，其實難度相當。當然今次初上跑二班賽會帶來挑戰，但查實此場一眾高分馬，也只得一匹「威威具星」贏過二班同程，其他均為同樣性質的升班馬，所以對手根本一點也不強；「英勇大師」目前當銳，要直落再掃多一W，何來阻力！廖浩賢
页:
[1]