驌龍轉配件有計
今次谷草賽事提供第五至第七口孖寶。第五場三班1200米，「控製者」剛戰休出大勝而回，超班質素盡露，續跑三班贏馬路程，如無意外篤定再贏。「劍飛聲」連續四仗於同程上陣，雖未勝但亦連場接近，而蔡約翰堅持再跑此程卻不返贏馬之田草，應有其見地，信佢博多次。第六場一班1800米，「驌龍」季內可於田草級際賽事跑得接近，今次轉戰初跑之谷草必然贏盡級數，除眼罩初戴防沙眼罩亦合符馬房搏殺手法，有力出冷。「勝哥兒」試夠兩課大閘才跑今仗，備戰有誠意，有決心衛冕跑馬地銀瓶。
香江福星戰意鮮明
第七場三班1000米，「香江福星」上仗初出即於同程發難，結果僅以短頭位見負，今次原莊人馬再拼戰意鮮明，可望順利補中。「醒目精伶」近兩仗跑二班獲一亞一季，今落三班上陣一定佔優，換上李富會有分頭，絕對抵買。
第八場三班1650米，「黃金宅男」上場同程以接近紀錄時間勝出，可見谷草一哩威力強，隻加6磅再戰，連捷冇難度。「一哥」潘頓揀騎而放棄兩連勝之「紅簿仔」，可見此駒在騎者心目中的分量唔簡單，曾兩度試谷閘仄準場地性能，不可不防。（耀鈞）
页:
[1]